II Trobada de Fablans d´Aragonés

Comparte esta Entrada!!

O sabado 27 de febrero en Biscarrués se celebra a II Trobada de Fablans d'Aragonés. An se chuntan as personas que charran habitualment en aragonés, con o siguient programa d'actividatz:

  • 10:00 h.- Nos chuntamos en o café A Barbacana. Podez alparcar os autos en a demba d´entrada d´o lugar, debaxo  d’o bar.
  • 10,30 h.- Gambadeta por O Camin d´o Soto d’o río Galligo dica Erés (6Km), guiata por Rafel Vidaller, (Achén de Mon d'o Gubierno de Aragón, mayestro e lizenziato en Antropolochía Sozial e Cultural. Espezialista en replegas lecsicas sobre o meyo natural y en aragonés, ha publicato muitos articlos e libros sobre o tema, asinas como guías d'a montaña e a naturaleza aragonesa). Prenzipiamos pasando por as nabatas en do esplicaremos bella mica as trazas de fer-las. Beyeremos os rastros d´os bichos como chabalins, melons, fuinas, chinetas, esquiruelos, alforrochos, butres, y si bi ha suerte bella loira. Tamién charraremos d´as matas e arbols petenando por  un paseo d’arbols  singulars.
  • 13 h.- Malas que pleguemos ta  Erés, prebaremos en ista ronda o pernil  e o bino d´o lugar. Dimpués en auto u a “pata” tornaremos  ta Biscarrues (3 km)  por a Ruta d´a Piedra d’ iste lugar: as siñals, espantabruxas, cruzes, ilesia, religaderas, estrelas
  • 14:00 h.- Chenta. 12 €.
  • 17:00 h.- Charrada-audiobisual “A Cheolochía d'a Galliguera e os suyos posibles emplegos como recurso turístico”, por Pau Arbués, profesor asoziato d'a Facultá de Cheolochía d'a Unibersidá de Barzelona, de casa Posat de Fuencalderas, ye cheologo e treballa como profesor asoziato e imbestigador en a Unibersidá de Barzelona. Os suyos treballos son a ormino enfilatos ta ras rocas sedimentarias d'o Pirineo  e d'a Cuenca de l'Ebro. En a charrada nos amostrará bels prinzipios cheolochicos basicos, cualas son as carauteristicas prinzipals d'a cheolochía d'a redolada  e cuala ye a suya bisión sobre o potenzial que a cheolochía poderba tener en o desembolique economico d'o país.
  • 18:00 h.- Presentazión d´o libro: Historietas d'un lugar d'as Cinco Villas (2014, de editorial Xordica). Por José Arbués Posat, de casa Posat de Fuencalderas. José ye incheniero quimico de profesión, amás d’ escritor e imbestigador etnografico por debozión. Dende o suyo primer treballo publicato (Fuencalderas en mi recuerdo, 1985) Arbués ha besitato esferens cheneros con tematicas perén enreligatas con a tierra que lo beyó naxer. Con o güeiteno libro, Historietas d'un lugar d'as Cinco Villas (2014, editorial Xordica)  l'autor  torna a dar-le bida a  l’aragonés que se charró en Fuencalderas, como parti d'a bida d'as suyas chens.
  • 19:00 h.- Cata de Biera con Pirineos Bier (4 euros por persona) . Istos empresarios chesos charraran sobre as trazsas de fer a suya biera. Prebaremos beluna e dexaran a cheta ubierta. Cal apuntar-se  e dezir si s’apuntan a toda ra trobada o a bella parti (sobre todo a ra chenta e ra cata de biera).  Bi ha  aloch en casas rurals ta os que les faiga goyo conoxer más o río Galligo, os Mallos, o Castiello de Lobarre,  O camin d´os sentitos.

Apuntarse:

Pedro Borau: pedroborau@gmail.com y 629319034